गोरेगाव पश्चिमेत इमारतीला आग

गोरेगाव पश्चिमेत इमारतीला आग

मुंबई, ता. १० : गोरगाव (प.) येथील सिद्धी गणेश सोसायटीमधील शालिमार इमारतीच्या मीटर बॉक्सला बुधवारी (ता. १०) दुपारी आग लागली. महापालिकेच्या अग्निशमन दलाने तातडीने धाव घेत ही आग नियंत्रणात आणली. या घटनेत कोणतीही जीवितहानी झालेली नाही.
महापालिकेच्या आपत्कालीन विभागाकडून मिळालेल्या माहितीनुसार, दुपारी १२.१८ वाजता आगीची माहिती मिळताच शालिमार या तळमजला अधिक ५ मजली एसआरए प्रकल्प असलेल्या इमारतीत बचाव पथके दाखल झाली. १२.२५ वाजता ही आग लेव्हल-१ म्हणून घोषित करण्यात आली. अग्निशमन दल, पोलिस, महापालिकेचे विभागीय कर्मचारी, सार्वजनिक बांधकाम विभाग, १०८ रुग्णवाहिका तसेच अदाणी इलेक्ट्रिसिटीचे पथक घटनास्थळी दाखल झाले. सुमारे दोन तासांच्या प्रयत्नांनंतर दुपारी २.२० वाजता आग पूर्णपणे विझवण्यात आली. या वेळी इमारतीतील नागरिकांना सुरक्षितस्थळी हलवण्यात आले होते. घटनेत कुणालाही दुखापत झालेली नाही.