विमानाचे चाक निखळले

विमानाचे चाक निखळले

मुंबई, ता. १२ : गुजरातच्या कांडला विमानतळावरून शुक्रवारी (ता. १२) उड्डाण घेतल्यानंतर स्पाइसजेटच्या क्यू ४०० विमानाचे चाक निखळले. ७५ जणांसह विमानाचे मुंबई विमानतळावर आपत्कालीन लँडिंग करण्यात आले.
मुंबई विमानतळ प्रशासनाने सांगितले, की विमान दुपारी ३:५१ वाजता सुरक्षितपणे उतरले असून सर्व प्रवासी आणि कर्मचारी सुरक्षित आहेत. विमानतळावरील कामकाजावर काही काळ परिणाम झाला. कांडलाहून मुंबईला जाणाऱ्या विमानाचे बाहेरील चाक उड्डाणानंतर धावपट्टीवर उतरले. विमानाने मुंबईकडे प्रवास सुरू ठेवला आणि सुरक्षितपणे उतरले, असे स्पाइसजेटने निवेदनात म्हटले आहे. खबरदारी म्हणून पूर्ण आणीबाणी घोषित करण्यात आली. विमान रनवे २७ वर सुरक्षितपणे उतरले आणि सर्व प्रवासी आणि कर्मचारी सुरक्षित आहेत. त्यानंतर काही वेळातच कामकाज पूर्ववत झाले, असे सांगण्यात आले.