‘बीएनएचएस’चा सोमवारी १४२ वा वर्धापनदिन

‘बीएनएचएस’चा सोमवारी
१४२ वा वर्धापनदिन
मुंबई, ता. १३ : बॉम्बे नॅचरल हिस्ट्री सोसायटी सोमवारी (ता. १५) १४२ वा वर्धापन दिन साजरा करणार आहे. या निमित्ताने फोर्ट येथील ‘हॉर्नबिल हाऊस’ येथे ग्रेट इंडियन बस्टर्ड (सोनचिरईया) आणि लेसर फ्लोरिकन या संकटग्रस्त पक्ष्यांवरील माहितीपटाचे प्रक्षेपण करण्यात येणार आहे. राजस्थानातील बीएनएचएस कर्मचारी या पक्ष्यांचे रक्षण करण्यासाठी बिश्नोई समाज करीत असलेल्या प्रयत्नांची माहितीही उपस्थितांसमोर मांडतील. देशातील प्रजाती आणि परिसंस्था रक्षणासमोरील आव्हानांना उत्तर देण्यासाठी संस्था नेहमीच कटिबद्ध आहे. मागील दोन वर्षांत नवीन गव्हर्निंग कौन्सिलच्या नेतृत्वाखाली संस्थेत मोठे बदल घडले असून भविष्यासाठी महत्त्वाकांक्षी योजना आखल्या आहेत, असे बीएनएचएसचे संचालक किशोर रिठे यांनी सांगितले.