नॅशनल पार्कमध्ये नवा कबूतरखाना

नॅशनल पार्कमध्ये नवा कबुतरखाना
मुंबई, ता. १४ : कॅबिनेट मंत्री तथा मुंबई उपनगर जिल्ह्याचे सहपालकमंत्री मंगलप्रभात लोढा यांच्या हस्ते आज संजय गांधी राष्ट्रीय उद्यानातील (नॅशनल पार्क), तीन मूर्ती-पोदनपूर येथे नव्या कबुतरखान्याचे उद्घाटन करण्यात आले. या वेळी दिगंबर जैन समाजातील मान्यवर उपस्थित होते. कबुतरांना दाणापाणी मिळावे तसेच नागरिकांनादेखील आरोग्याचा धोका उद्भवू नये, यासाठी मध्यम मार्ग निवडला पाहिजे आणि म्हणूनच जिथे जंगल आहे, मानववस्ती नाही, अशा ठिकाणी कबुतरखाने बनवले जावेत, असे प्रतिपादन लोढा यांनी या वेळी केले.
आदिनाथ दिगंबर जैन मंदिरातर्फे हा कबुतरखाना उभारण्यात आला आहे. गेल्या महिनाभरापूर्वी मानवी अधिवास नसलेल्या ठिकाणी कबुतरांना दाणापाणी सुरू राहावे, असा विचार लोढा यांनी मांडला होता. त्याच पार्श्वभूमीवर हा कबुतरखाना तयार करण्यात आला.