‘युनानी’ला प्रोत्साहन देण्यासाठी उपक्रम

‘युनानी’ला प्रोत्साहन
देण्यासाठी उपक्रम
मुंबई, ता. १६ ः युनानी शिक्षण घेऊन अनेक डॉक्टर अन्य वैद्यकीय पद्धतीने उपचार करत आहेत. अशा डॉक्टरांना ‘युनानी’कडे वळवून सक्षम करण्यासाठी केंद्रीय आयुष मंत्रालयाने विशेष उपक्रम हाती घेतला आहे. वर्षात देशभरात पाच युनानी परिषदांचे आयोजन करून त्याद्वारे जवळपास ५० हजार डॉक्टरांपर्यंत पोहोचण्याचे उद्दिष्ट आहे. या परिषदेत अनुभवी युनानी डॉक्टर विविध आजारांवर प्रभावी ठरणाऱ्या औषधांवरील संशोधनाची माहिती देऊन इतर पद्धतींवर अवलंबून असलेल्या डॉक्टरांना मार्गदर्शन करणार आहेत.
मुंबईत नुकतीच दुसरी युनानी परिषद पार पडली. त्यात सेंट्रल कौन्सिल फॉर रिसर्च इन युनानी मेडिसिनचे वरिष्ठ शास्त्रज्ञ डॉ. मसरूर अली कुरेशी यांनी मार्गदर्शन केले. युनानी पद्धतीला प्रोत्साहन देण्यासाठी संशोधनावर भर दिला जात आहे.