मुंबई पावसाची संततधार

मुंबई पावसाची संततधार
मुंबई, ता. १६ : शहरासह उपनगरांत गेल्या २४ तासांत मध्यम तर काही भागात मुसळधार पावसाची नोंद झाली. तर दिवसभर ढगाळ वातावरण होते. कुलाबा येथे २६.७ मिमी तर सांताक्रूझ येथे ३१.२ मिमी पाऊस झाला. शहरात गेल्या २४ तासांत सरासरी ३९.३५ मिमी, पूर्व उपनगरात ३५.१६ मिमी तर पश्चिम उपनगरात तब्बल ८०.३४ मिमी पाऊस पडला. बुधवारी ही मुसळधार पावसाचा अंदाज व्यक्त करण्यात आला आहे. पावसामुळे शहरात ६ झाडे पडली, ९ ठिकाणी शॉर्टसर्किट झाले तर ४ ठिकाणी घरांचा काही भाग कोसळला. मध्य व पश्चिम रेल्वे तसेच बेस्टची वाहतूक सुरळीत सुरू आहे. हवामान खात्याने पुढील २४ तासांत विजांच्या कडकडाटासह मध्यम ते जोरदार पावसाचा अंदाज वर्तवत येलो अलर्ट जारी करण्यात आला आहे.