भरधाव कारची चार वाहनांना धडक

भरधाव कारची चार वाहनांना धडक

मुंबई, ता. २० : चेंबूर येथील सिंधी कॅम्प परिसरात शुक्रवारी (ता. १९) मध्यरात्री एका भरधाव ऑडी कारने चार ते पाच वाहनांना धडक दिली. या अपघातात कोणीही जखमी झालेले नाही. पोलिसांच्या माहितीनुसार ही कार एक महिला चालवत होती. या भागात नव्याने बांधलेला रस्ता अद्याप वाहतुकीसाठी खुला करण्यात आलेला नाही. या मार्गावरून वाहनचालक वेगाने वाहने चालवितात. ही महिलाही वेगाने कार चालवित होती. या वेळी अचानक भटका कुत्रा मध्ये आल्याने कुत्र्याला वाचविण्याच्या नादात तिचा कारवरील ताबा सुटला आणि हा अपघात घडला. या महिलेस ताब्यात घेत उचित कारवाई सुरू केल्याचेही पोलिसांनी सांगितले.