शनिवार-रविवारी मुसळधारेचा इशारा

शनिवार-रविवारी
मुसळधारेचा इशारा
मुंबई, ता. २४ ः गेल्या दोन दिवसांपासून पावसाने उघडीप घेतल्यानंतर मुंबईत येत्या शनिवार आणि रविवारी मुसळधार पावसाचा इशारा देण्यात आला आहे. हवामान विभागाने त्याबाबत ऑरेंज अलर्ट जारी करून काळजी घेण्याचे आवाहन केले आहे. हवामान विभागाने बुधवारसाठी पावसाचा अंदाज वर्तवला होता; मात्र दिवसभर कडकडीत ऊन पडले. गुरुवारी हलक्या सरींचा अंदाज असून, शुक्रवारपासून मात्र पावसाचा जोर वाढणार आहे. त्यानंतर शनिवार आणि रविवारी अतिमुसळधार पावसाचा इशारा देण्यात आला आहे.