सीएम फंडातून कर्जाच्या आमिषाने फसवणूक

सीएम फंडातून फसवणूक
करणाऱ्या आरोपीस अटक
मुंबई, ता. २५ : मुख्यमंत्री सहाय्यता निधीतून १० लाखांचे कर्ज मिळवून देतो, रेल्वेत नोकरीस लावतो, असे सांगत दाम्पत्यासह तिघांची ८.५० लाखांना फसवणूक करणाऱ्या समीर चुंडमुंगे यास मरीन ड्राइव्ह पोलिसांनी बुधवारी (ता. २४) अटक केली. आरोपीने काळाचौकी येथे राहणाऱ्या राकेश शेळके आणि त्यांच्या पत्नी शीतल यांना मुख्यमंत्री सहाय्यता निधीतून प्रत्येकी १० लाखांचे कर्ज मिळवून देतोस, असे सांगत ५० हजार रुपये घेतले होते. तर या दाम्पत्याचा भाचा सचिन शेळके याच्याकडून रेल्वेत नोकरी लावतो, असे सांगून ८.२२ लाख रुपये घेतले होते. ही रक्कम आरोपीने आकाशवाणी आमदार निवासात स्वीकारल्यानंतर तो पसार झाला. एप्रिल २०२३ ते जून २०२४ या दरम्यान आरोपीने तिघांची फसवणूक केल्याचे पोलिसांनी सांगितले.