२८ गुन्हे असलेला आरोपी अटकेत

२८ गुन्हे असलेला
आरोपी अटकेत
मुंबई, ता. २६ ः मुंबई महानगर प्रदेशासह गोव्यात घरफोडी, चोरी, फसवणूक व जुगार कायद्यानुसार २८ गुन्ह्यांतील शब्बीर शेरअली मर्चंट ऊर्फ शब्बीर शेरअली विरजी (वय ५२) यास गुन्हे शाखेने गुरुवारी (ता. २५) वसईतून अटक केली. त्याला पुढील कारवाईसाठी माता रमाबाई आंबेडकर मार्ग पोलिसांच्या ताब्यात देण्यात आले आहे.
अलीकडेच न्यायालयाने त्याच्याविरोधात अजामीनपात्र वॉरंट जारी केले होते. आरोपीविरोधात माता रमाबाई आंबेडकर मार्ग पोलिस ठाण्यात नऊ, कफ परेड पोलिस ठाण्यात ११, मरीन ड्राइव्ह पोलिस ठाण्यात पाच, चेंबूर, माणिकपूर (पालघर) आणि गोव्यात प्रत्येकी एक गुन्हा दाखल आहे.