‘नायर’मध्ये दुचाकी चोरीचा प्रयत्न

‘नायर’मध्ये दुचाकीचोरीचा प्रयत्न
मुंबई : आग्रीपाडा पोलिसांनी नायर रुग्णालयात पार्क केलेल्या डॉक्टर, कर्मचाऱ्यांच्या दुचाकी चोरण्याचा प्रयत्न करणाऱ्या दोघांविरोधात गुन्हा नोंदवला आहे. रुग्णालयातील निवासी डॉक्टर दिग्विजय जाधव यांच्या तक्रारीआधारे पोलिसांनी ही कारवाई केली. डॉ. जाधव रुग्णालय आवारातील एच इमारतीत अन्य सहकाऱ्यांसोबत वास्तव्य करतात. या इमारतीखाली आरक्षित जागेत ते आपली महागडी दुचाकी पार्क करतात. शुक्रवारी (ता. १९) त्यांना ही दुचाकी चोरण्याचा प्रयत्न केला गेला, हे स्पष्ट करणाऱ्या खाणाखुणा आढळल्या. शिवाय त्यांचे दुचाकीसोबत असलेल्या हेल्मेटचेही नुकसान झाल्याचे आढळले. त्यांनी सीसीटीव्ही चित्रण तपासले असता दोन तरुणांनी कटरच्या साहाय्याने त्यांच्या आणि इतरांच्या दुचाकी चोरण्याचा प्रयत्न केल्याचे आढळले.