विधि, बीपीएड,एमपीएड, एमएड व बीएड-एमएड प्रवेशासाठी वाढीव संस्थात्मक फेरीचे आयोजन

विविध प्रवेशांसाठी ‘सीईटी’ची संस्थात्मक वाढीव फेरी
मुंबई, ता. ३० : राज्यात विविध ठिकाणी झालेल्या अतिवृष्टी व पूरस्थितीमुळे अनेक विद्यार्थ्यांना विधी (३ व ५ वर्षे), बीपीएड, एमपीएड, एमएड व बीएड-एमएड या अभ्यासक्रमामध्ये प्रवेश घेता आला नाही तसेच विद्यार्थ्यांच्या प्रवेश अर्जात काही दुरुस्त्यांमुळे प्रवेश घेण्यास समस्या निर्माण झाली. विद्यार्थ्यांच्या  शैक्षणिक हिताचा विचार करून असे विद्यार्थी प्रवेशांपासून वंचित राहू नयेत, यासाठी सीईटी कक्षाने संस्थात्मक वाढीव फेरी जाहीर करण्यात आल्याची माहिती सीईटी सेलचे आयुक्त दिलीप सरदेसाई यांनी दिली. ही फेरी ३ ते ५ ऑक्टोबरदरम्यान असणार आहे. या वाढीव फेरीमुळे विद्यार्थ्यांना प्रवेश घेण्याची ही शेवटची संधी मिळणार आहे. तसेच या वाढीव संस्थात्मक फेरीमध्ये विद्यार्थ्यांना महाविद्यालयाचा विकल्प देण्याची संधीही या कालावधीदरम्यान विद्यार्थ्यांना सीईटी कक्षाने दिली आहे.