"उगवला चंद्र पुनवेचा" कार्यक्रमांनी श्रोत्रे मंत्रमुग्ध 

रेवदंडा:अलिबाग तालुक्यातील चौल ज्येष्ठ नागरिक संस्थेचे रौप्य महोत्सवी वर्ष सुरु असून त्यानिमित्य विविध कार्यक्रमांचे आयोजन करण्यात आले आहे.कोजागरी पौर्णिमा निमित्य (ता.६)रोजी सायंकाळी चौल मधील श्री मुख्य(मुखरी)गणपती मंदिर सभागृहात चौल ग्रामपंचायतीच्या माजी सरपंच रूपाली म्हात्रे यांनी त्यांचा आई व वडील यांच्या स्मरणार्थ उगवला चंद्र पुनवेचा हा विदुषी सानिया पाटणकर (पुणे) यांचा संगीताचा कार्यक्रम आयोजित करण्यात आला होता.त्या कार्यक्रमाने श्रोत्रे मंत्रमुग्ध झाले.
विदुषी पाटणकर यांनी बंदिश, ठुमरी, सुगम संगीत,नाट्यसंगीत,अभंग, लोकसंगीत,गझल यांनी अडीच तासांची मैफिल रंगून गेली होती. हार्मोनियम वर माधव लिमये,तबला साथ अविनाश पाटील,गायन साथ नितिन महाबळेश्वरकर यांनी केली.उपस्थितांचे स्वागत ज्येष्ठ नागरिक संस्थेचे अध्यक्ष सतिश मनोहर यांनी केले,रौप्य महोत्सवी वर्ष समितीचे अध्यक्ष रोहिदास म्हात्रे यांनी प्रास्ताविक केले.सचिव देवानंद पोवळे यांनी आभार प्रदर्शन केले.नागरिक मोठ्या संख्येने उपस्थित होते.