महावितरणच्या दाेघांवर 
सदोष मनुष्यवधाचा गुन्हा

महावितरणच्या दाेघांवर सदोष मनुष्यवधाचा गुन्हा

Published on

महावितरणच्या दाेघांवर
सदोष मनुष्यवधाचा गुन्हा
मुंबई, ता. १५ : अल्पवयीन तरुणाच्या मृत्यूस जबाबदार धरून भांडुप पोलिसांनी महावितरणचे सहाय्यक अभियंता संतोष रुद्रशेट्टी यांच्यासह दोघांविरोधात सदोष मनुष्यवधाचा गुन्हा दाखल केला आहे.

साचलेल्या पाण्यात विद्युत प्रवाह उतरून विजेचा धक्का बसत असल्याच्या तक्रारी स्थानिक दुकानदार आणि रहिवाशांनी महावितरण कंपनीकडे केल्या होत्या. त्यावर तब्बल तीन तास काहीच हालचाल न झाल्याने १९ ऑगस्टला साचलेल्या पाण्यातून पायी जाणाऱ्या १७ वर्षीय दीपक पिल्ले यास विजेचा धक्का बसून त्याचा मृत्यू झाला. याप्रकरणी भांडुप पोलिसांनी अपघाती मृत्यूची नोंद करून तपास सुरू केला. तपासात घटनास्थळी लघुदाब भूमिगत केबलमधील बिघाडामुळे पाण्यात वीजप्रवाह उतरल्याचे स्पष्‍ट झाले. याबाबतची जबाबदारी सहाय्यक अभियंता रुद्रशेट्टी आणि जनमित्र (तांत्रिक कर्मचारी) विकास जाधव यांची होती; मात्र ही जोडणी सदोष असल्याने भूमिगत केबलमध्ये बिघाड उद्‌भवला. तक्रारी या दोघांकडे पाठविल्या होत्या, असे महावितरणच्या नोंदींतून स्पष्‍ट झाले. या तपासाच्या आधारे रुद्रशेट्टी, जाधव यांनी कर्तव्य अचूकरीत्या न बजावल्याने दीपकचा मृत्यू झाल्याचा ठपका ठेवून सदोष मनुष्यवधाचा गुन्हा दाखल करण्यात आल्याचे पोलिसांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com