नवी मुंबईत आज पुनर्विकास व स्वयंपुनर्विकास परिसंवाद

नवी मुंबईत आज पुनर्विकास व स्वयंपुनर्विकास परिसंवाद

मुंबई, ता. ७ ः पुनर्विकास व स्वयंपुनर्विकास या विषयांवर दोनदिवसीय प्रदर्शन व परिसंवाद कार्यक्रमाचे आयोजन नवी मुंबई को-ऑप. हाउसिंग फेडरेशनतर्फे शनिवारी (ता. ८) करण्यात आले आहे. या कार्यक्रमात महाराष्ट्र गृहनिर्माण स्वयं, समूह पुनर्विकास प्राधिकरणाचे अध्यक्ष प्रवीण दरेकर मार्गदर्शन करतील. हा कार्यक्रम नवी मुंबई को-ऑप. हाउसिंग फेडरेशन ३०३, बिग स्प्लैश, सेक्टर १७, वाशी, नवी मुंबई येथे सकाळी ११ वाजता आयोजित करण्यात आला आहे. महाराष्ट्र गृहनिर्माण स्वयं, समूह पुनर्विकास प्राधिकरणाच्या अध्यक्षपदी आमदार प्रवीण दरेकर यांची नियुक्ती करण्यात आल्याने त्यांचा सत्कारही या कार्यक्रमात करण्यात येणार असल्याची माहिती नवी मुंबई को-ऑप. हाउसिंग फेडरेशनचे अध्यक्ष सुनील चौधरी यांनी दिली. या कार्यक्रमाला मोठ्या संख्येने नागरिकांनी उपस्थित राहावे, असे आवाहनही त्यांनी नवी मुंबईकरांना केले आहे.