साडेपाच लाख नागरिकांची मधुमेह, रक्तदाब तपासणी

साडेपाच लाख नागरिकांची
मधुमेह, रक्तदाब तपासणी
मुंबई, ता. १३ : महापालिकेतर्फे ‘मीठ-साखर अभियान २०२५’ अंतर्गत शहरात असंसर्गजन्य आजारांबाबत जनजागृती केली जात आहे. ऑगस्ट २०२२ ते ऑक्टोबर २०२५ दरम्यान महापालिकेच्या दवाखान्यांमध्ये पाच लाख ५९ हजार ७५१ नागरिकांची मधुमेह आणि रक्तदाब तपासणी करण्यात आली. सध्या एक लाख २० हजार मधुमेही रुग्णांवर उपचार सुरू आहेत. आहारविषयक समुपदेशन सेवा सुरू झाल्यापासून एक लाख ५९ हजार रुग्णांना मार्गदर्शन देण्यात आले आहे. स्टेप्स सर्वेक्षणानुसार मुंबईतील १८ टक्के नागरिकांमध्ये रक्तातील साखर वाढलेली आढळली, तर १५.६ टक्के नागरिक प्री-डायबेटिक असल्याचे निष्पन्न झाले आहे.