मुंबई विद्यापीठाच्या परीक्षांच्या तारखा जाहीर

मुंबई विद्यापीठाच्या
परीक्षांच्या तारखा जाहीर

मुंबई, ता. ४ : मुंबई विद्यापीठाच्या उन्हाळी सत्र २०२६ मध्ये विविध विद्याशाखेअंतर्गत होणाऱ्या परीक्षांच्या तारखा विद्यापीठामार्फत जाहीर करण्यात आल्या आहेत. १ एप्रिल २०२६पासून या परीक्षांना सुरुवात हाेणार आहे.
पदवी स्तरावरील तृतीय वर्ष बीकॉम, बीकॉम (फायनान्शिअल मार्केट) (बँकिंग अँड इन्श्युरन्स) (अकाउंटिंग अँड फायनान्स) आणि बीएमएस सत्र ६ च्या परीक्षा १ एप्रिल २०२६ पासून सुरू हाेणार आहेत. तृतीय वर्ष बीएस्सी, बीएस्सी आयटी, बीएस्सी कम्प्युटर सायन्स, बीएस्सी बायोटेक, डेटा सायन्स सत्र ६ च्या परीक्षा ८ एप्रिल २०२६ पासून, तर तृतीय वर्ष बीए सत्र ६ ची परीक्षा ८ एप्रिल २०२६ ला घेण्यात येणार आहे. बीएएमएमसी सत्र ६ ची परीक्षा ८ एप्रिल २०२६ रोजी घेण्याचे नियोजित करण्यात आले आहे. त्याचबरोबर विविध विद्याशाखातील स्वयंअर्थसहाय्यित विषयांच्या परीक्षांचे नियोजित वेळापत्रक विद्यापीठामार्फत जाहीर करण्यात आले आहे.