डॉ. कुमुद बन्सल उत्कृष्ट शैक्षणिक ग्रंथ पुरस्कार जाहीर

डॉ. कुमुद बन्सल उत्कृष्ट शैक्षणिक ग्रंथ पुरस्कार जाहीर

मुंबई, ता. ११ : शिक्षण विकास मंच, यशवंतराव चव्हाण सेंटरच्या वतीने दरवर्षी देण्यात येणारा डाॅ. कुमुद बन्सल उत्कृष्ट शैक्षणिक ग्रंथ पुरस्कार २०२५ हा रती भोसेकर यांच्या ‘बालशिक्षण एक अद्‌भुत सफर’ या ग्रंथाली प्रकाशनाने प्रकाशित केलेल्या पुस्तकाला जाहीर झाला आहे. याशिवाय तीन लक्षवेधी पुस्तकांत डॉ. सुचिता पाटेकर यांच्या ‘नावीन्यातून नैपुण्य’, भरत पाटील यांच्या ‘फुलताना’ आणि डॉ. वर्षा श्रीकांत गट्टू, डॉ. पूनम विनोद सावंत व डॉ. अतुल काळूराम जाधव यांच्या ‘उन्नती समावेशित शिक्षणाची’ यांची निवड झाली आहे.

२१ हजार रुपये रोख, सन्मानपत्र असे या पुरस्काराचे स्वरूप आहे. प्रकाशकाचा सन्मानपत्र देऊन सन्मान केला जाणार आहे. तीन लक्षवेधी पुस्तकांच्या लेखकांना सन्मानपत्र देऊन गौरविण्यात येणार आहे. हा पुरस्कार प्रदान समारंभ रविवारी ४ जानेवारी २०२६ रोजी शिक्षण विकास मंच, यशवंतराव चव्हाण सेंटर आयोजित सोळाव्या राज्यस्तरीय शिक्षण परिषदेत मान्यवरांच्या उपस्थितीत होणार आहे. या पुरस्कारासाठी राज्यभरातून ४६ ग्रंथ आले हाेते. त्यातून शिक्षण विकास मंच, यशवंतराव चव्हाण सेंटरचे मुख्य संयोजक ज्येष्ठ शिक्षणतज्ज्ञ डॉ. वसंत काळपांडे यांच्या मार्गदर्शनाखाली शिवाजी तांबे, महेंद्र गणपुले, डाॅ. वृषाली देहडराय, डाॅ. श्रुती पानसे या अभ्यासकांच्या समितीने ही ‘बालशिक्षण एक अद्‌भुत सफर’ ही निवड केली.