टेम्पोच्या धडकेत दुचाकीस्वाराचा मृत्यू

टेम्पोच्या धडकेत
दुचाकीस्वाराचा मृत्यू

मुंबई, ता. ११ : शीव-पनवेल महामार्गावरील सुमननगर चौकाजवळ बुधवारी (ता. १०) भरधाव टेम्पोने दुचाकीला धडक दिल्याने घडलेल्या अपघातात मंदार कोटकर (वय ३४) या तरुणाचा मृत्यू झाला. याप्रकरणी टेम्पोचालकाविरोधात गुन्हा दाखल करण्यात आला आहे. अपघातानंतर जखमी अवस्थेत असलेल्या मंदार याला वैद्यकीय मदत न देता टेम्पोचालक वडाळ्याच्या दिशेने पसार झाला.

पोलिसांच्या माहितीनुसार, मंदार पनवेल येथे कुटुंबासह वास्तव्यास होता. एका एजन्सीतर्फे तो एआयडीए शिपिंग कंपनीत नोकरी करीत होता. एजन्सीच्या कामासाठी तो बुधवारी पनवेल येथून फोर्ट परिसरात निघाला होता. सुमननगर चौक ओलांडल्यानंतर एका भरधाव टेम्पोने मंदारच्या दुचाकीला मागून धडक दिली, त्यामुळे तो खाली पडला. तेव्हा टेम्पो त्याच्या अंगावरून गेला. त्यामुळे गंभीर जखमी झालेल्या मंदारला तातडीने सोमय्या रुग्णालयात दाखल करण्यात आले. उपचारांपूर्वीच त्याचा मृत्यू झाला होता.