पन्नाशीनंतर करा आयुष्याची नवी सुरुवात

पन्नाशीनंतर आयुष्याची नवी सुरुवात
अनंत क्वेस्टचे संस्थापक संजय मेहता यांचे मत

सकाळ वृत्तसेवा
मुंबई, ता. १५ : पन्नाशीनंतर बरेचदा लोक निवृत्तीचा विचार करतात, परंतु असे नसते. आपले आयुष्य ५०, ६० वर्षांपर्यंत मर्यादित नसून कोणी शंभरीही गाठू शकते. पन्नाशीनंतर आपण आयुष्याची नवी सुरुवात करू शकतो. कित्येक लोक पन्नाशीनंतरही यशस्वी झाले आहेत, असे मत अनंत क्वेस्टचे संस्थापक आणि मुख्य कार्यकारी अधिकारी संजय मेहता यांनी व्यक्त केले. अनंता क्वेस्टने पन्नाशीनंतर वाटचालीबाबत मार्गदर्शन करण्यासाठी एकदिवसीय अधिवेशन मुंबईत आयोजित केले होते. त्यात ३५० हून अधिक जण आणि तज्ज्ञ सहभागी झाले होते. त्या वेळी संजय मेहता बोलत होते.
५० वर्षांवरील समुदाय त्यांच्या जीवनाच्या पुढील टप्प्याचा पुनर्विचार करण्यास किती तयार आहे, हे आजच्या कार्यक्रमाने आम्हाला दाखवून दिले. आता आम्ही ही चळवळ देशातील प्रमुख शहरांमध्ये विस्तारण्यास उत्सुक आहोत. अधिक व्यक्तींना त्यांच्या आयुष्याचे दुसरे पर्व स्पष्टपणे आणि आत्मविश्वासाने घडवण्यासाठी आवश्यक असलेली साधने, मार्गदर्शन आणि समुदाय उपलब्ध होईल, असे या वेळी संजय मेहता म्हणाले.
कार्यक्रमात आशीष विद्यार्थी, श्यामल वल्लभजी, डॉ. भाविन जनखारिया, आकांक्षा श्रीवास्तव, डॉ. आदित्य नायर, दीपा सोमन, डॉ. रेणुका, डॉ. अनिल ब्राडू, तसेच संपत्ती, मालमत्ता नियोजन आणि ज्येष्ठ नागरिक निवास क्षेत्रांतील नेत्यांनी आपले विचार मांडले.

तज्ज्ञांशी संवाद
देशातील ५० ते ६५ वयोगटातील लोकांसाठी आयोजित केलेल्या या कार्यक्रमाचा उद्देश सहभागींना त्यांच्या जीवनाच्या पुढील टप्प्यावर विचार करण्यास, पुनर्रचना करण्यास आणि स्पष्टतेने नियोजन करण्यास मदत करणे हा होता. या अधिवेशनात अनुभवात्मक सत्रे, तज्ज्ञांशी संवाद आणि मार्गदर्शित कार्यप्रणाली यांचा समावेश होता.