अखेर ती लॅम्बोर्गिनी जप्त

अखेर ती लॅम्बोर्गिनी जप्त

मुंबई, ता. १७ : वांद्रे-वरळी सागरी सेतूवर ताशी २५०च्या वेगाने लॅम्बोर्गिनी कार पळवणाऱ्या चालकाविरोधात वरळी पोलिसांनी गुन्हा नोंदवला. तसेच ही आलिशान कारही जप्त केली.
दोन दिवसांपूर्वी सेतूवर २५० किलोमीटर प्रतितास वेगाने धावणाऱ्या या कारचा व्हिडिओ समाजमाध्यमांवर व्हायरल झाला हाेता. त्यावरून वाहतूक पोलिस, वरळी पोलिसांनी चौकशी सुरू केली. ही कार अहमदाबाद येथील व्यावसायिक नीरव पटेल याची असून, ती खार येथील कार डीलर फैज अदेनवाला (वय ३६) चालवत होते, असे स्पष्ट झाले. सेतूवर ताशी ८०ची वेगमर्यादा आहे. त्याचे उल्लंघन आणि स्वतःसह अन्य वाहनचालक, प्रवाशांचा जीव धोक्यात येईल, या निष्काळजीने वाहन चालवल्याबद्दल गुन्हा नोंदवण्यात आल्याचे पोलिसांनी सांगितले.