अमलीपदार्थासह दोन महिला अटकेत

अमली पदार्थासह दोन महिला अटकेत

मुंबई : खार परिसरात अमली पदार्थ विकणाऱ्या दोन महिलांना अटक करून १७ ग्रॅम हेरॉईन जप्त करण्यात आले. या साठ्याची किंमत पाच लाखांहून अधिक असावी, असे सांगण्यात आले. नंदा मणिकम, सेनबगम हरिजन अशी अटक महिलांची नावे आहेत. खार पोलिसांच्या निर्भया पथकाने गस्तीदरम्यान शुक्रवारी (ता. १९) ही कारवाई केली.

आरे कॉलनीत हिट अँड रन
मुंबई : आरे वसाहतीत अज्ञात वाहनाने धडक दिल्याने दुचाकीवरून प्रवास करणाऱ्या विशाल शर्मा (वय २४) या तरुणाचा मृत्यू झाला. हा अपघात बुधवारी (ता. १७) सायंकाळी आरे वसाहतीच्या युनिट क्रमांक सहा परिसरात घडला. अपघातानंतर आरोपी वाहनचालकाने जखमी विशालला वैद्यकीय मदत न देताच पोबारा केला. याप्रकरणी आरे पोलिसांनी अज्ञात वाहनचालकाविरोधात गुन्हा नोंदवून तपास सुरू केला आहे.