४० लाखांचा मुद्देमाल नागरिकांना परत

४० लाखांचा मुद्देमाल नागरिकांना परत
मुंबई : परिमंडळ आठमधील पोलिसांनी चोरी, गहाळ झालेला सुमारे ४० लाख रुपयांच्या मौल्यवान वस्तू, दागिने तक्रारदारांना परत केले. यामध्ये १६४ मोबाईल फोनचा समावेश होता. परिमंडळ आठचे उपआयुक्त मनीष कलवानीया यांनी शनिवारी (ता. २७) वांद्रे-कुर्ला संकुल पोलिस ठाणे आवारातील पसायदान सभागृहात विशेष कार्यक्रम आयोजित करून नागरिकांना त्यांच्या चोरी झालेल्या वस्तू परत केल्या. त्यात १६४ मोबाईल फोनसह, वाहने, सोन्याचे दागिने, इलेक्ट्रॉनिक उपकरणे आदींचा समावेश होता. यातील चोरी, गहाळ झालेले मोबाईल पोलिसांनी सीईआयआर प्रणालीचा वापर करून, तांत्रिक तपासाद्वारे शहर, शहराबाहेरून हस्तगत केल्याचे उपआयुक्त कलवानीया यांनी सांगितले. बीकेसी, खेरवाडी, निर्मलनगर, वाकोला, विलेपार्ले, सहार व विमानतळ या सर्व सात पोलिस ठाण्यात नोंद करून चोरीच्या गुन्ह्यांचा तपास करून जो मुद्देमाल हस्तगत झाला तो या वेळी परत करण्यात आला. चोरी झालेल्या वस्तू परत मिळाल्याने नागरिकांनी आनंद व्यक्त करीत पोलिसांचे आभार मानले.