मतदान प्रक्रिया शांततेत : मुंबई पोलिस

मतदान प्रक्रिया शांततेत : पोलिसांचा दावा
मुंबई, ता. १५ : शहरातील २२७ प्रभागांमध्ये मतदान प्रक्रिया गुरुवारी शांततेत पार पडल्याचा दावा मुंबई पोलिसांनी केला. मुंबई पोलिस दलाचे सहआयुक्त (कायदा व सुव्यवस्था) सत्यनारायण चौधरी यांनी मतदान प्रक्रिया पूर्ण झाल्यानंतर दिलेल्या माहितीनुसार, शहरात गुरुवारी निवडणूक किंवा मतदान प्रक्रियेशी संबंधित घटना नाहीत. सर्व मनुष्यबळ शुक्रवारी होणाऱ्या मतमोजणी प्रक्रियेसाठी सज्ज होत आहेत.
दरम्यान, पोलिस आयुक्त देवेन भारती यांनी गुरुवारी मलबार हिल येथील केंद्रावर मतदान केल्यानंतर शहरातील डी. एन. नगर, अँटॉप हिल येथील मतदान केंद्रांना भेट देत तेथील सुरक्षा व्यवस्थेचा आढावा घेतला. तसेच शहरातील सर्वच मतदान केंद्रांवर सुरक्षेसोबत असहाय मतदारांना सर्वतोपरी मदत करणाऱ्या सहकाऱ्यांचे कौतुक केले.