सालियन प्रकरणातून न्यायमूर्तींची माघार

सालियन प्रकरणातून न्यायमूर्तींची माघार
मुंबई : दिवंगत अभिनेता सुशांत सिंह राजपूतची माजी व्यवस्थापक दिशा सालियनचे वडील सतीश सालियन यांनी दाखल केलेल्या याचिकेवर सुनावणी घेण्यास बुधवारी (ता. २४) न्या. आशीष चव्हाण यांनी नकार दिला.
सुशांतच्या मृत्यूच्या पाच दिवसांपूर्वी ८ जून २०२०ला दिशाचा १४व्या मजल्यावरून पडून मृत्यू झाला होता. सुरुवातीला पोलिसांनी अपघाती मृत्यूची नोंद केली होती; मात्र दिशाने आत्महत्या केली नसून तिची हत्या झाल्याचा आरोप वडील सतीश यांनी याचिकेतून केला आहे. त्याची दखल घेऊन न्यायालयाने दिशाच्या मृत्यूच्या तपासातील दिरंगाईबद्दल राज्य सरकारला जाब विचारला होता. मृत्यूच्या पाच वर्षांनंतरही या प्रकरणातील तपास पूर्ण का झाला नाही, असा प्रश्नही खंडपीठाने उपस्थित केला होता.