मानसिक एकाग्रतेचे मेंदडीत प्रदर्शन

मानसिक एकाग्रतेचे मेंदडीत प्रदर्शन
जिल्ह्याभरातील विद्यार्थ्यांकडून योगासनांची प्रात्यक्षिके
म्हसळा, ता. ६ (बातमीदार)ः तालुक्यातील मेंदडी येथे अठरागाव आगरी समाज सामाजिक सभागृहात शालेय योगासन स्पर्धा घेण्यात आली. या स्पर्धेत जिल्हाभरातील विविध शाळांमधील १०० विद्यार्थ्यांनी शरीरसौष्ठव, मानसिक एकाग्रतेचे प्रदर्शन केले.
स्पर्धेत सहभागी झालेल्या सर्व विद्यार्थ्यांनी उत्कृष्ट कामगिरी केली असून, योगासारख्या शारीरिक आणि मानसिक आरोग्यास पोषक असलेल्या कलेत तरुणांची वाढती रुची कौतुकास्पद असल्याचे मत माजी सभापती महादेव पाटील यांनी व्यक्त केले. या वेळी १४, १७ आणि १९ वर्षांखालील मुले व मुली गट जिल्हा स्तरावर खेळवण्यात आले. या स्पर्धेला पोलिस निरीक्षक संदिप कहाळे, माजी सभापती छाया म्हात्रे, जिल्हा क्रीडा विकास अधिकारी संदीप गुरव, क्रीडा मार्गदर्शक उत्तम मांदारे, उद्योजक नवनीत पारेख, लहू म्हात्रे, समाज अध्यक्ष गणेश पाटील, उपाध्यक्ष मधुकर पाटील, नगरसेविका राखी करंबे, अजय करंबे, कादरी शेठ, शिक्षण प्रेमी नासीर मिठागरे, केंद्र प्रमुख किशोर मोहिते यांनी भेट दिली.