मुंबई, ता. १६ ः बोरिवली येथे आंतरराष्ट्रीय स्तरावरील बोरिवली स्केटिंग रिंग, बॉक्सिंग आणि बास्केटबॉल क्रीडा संकुलाचे उद्घाटन नुकतेच करण्यात आले. कांदिवलीच्या (पश्चिम) महावीर नगर-पावनधाम परिसरात हे संकुल असून बोरिवलीचे आमदार सुनील राणे यांच्या संकल्पनेतून ते तयार झाले आहे. भाजपचे मुंबई अध्यक्ष आमदार आशिष शेलार यांच्या हस्ते शुक्रवारी त्याचे उद्घाटन करण्यात आले. या वेळी महापालिका उपायुक्त भाग्यश्री कापसे, आईस स्केटिंग असोसिएशन ऑफ इंडियाचे सरचिटणीस जे. एस. साहनी, ऑलिंपिक कुस्तीपटू नरसिंह यादव उपस्थित होते. गेल्या वर्षी या संकुलाची घोषणा केल्यावर त्यानुसार वर्षभरात त्याचे उद्घाटन करण्यात आले. तरुणांना शारीरिक आणि मानसिकदृष्ट्या तंदुरुस्त करण्यासाठी अनेक प्रकल्प राबवण्यात येत आहेत. ज्यामुळे हे खेळाडू वैयक्तिक आणि व्यावसायिक जीवनात उत्कृष्ट कामगिरी करू शकतील. तसेच या संकुलातून देशालाही दर्जेदार खेळाडू मिळतील, असे सुनील राणे या वेळी म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.