भात खरेदी केंद्रावर जिल्हाधिकाऱ्यांची भेट

सरळगांव, ता. १९ (बातमीदार) : मुरबाड तालुक्यात सरकारच्या वतीने खरेदी केल्या जाणाऱ्या भातखरेदी केंद्रावर जिल्हाधिकारी अशोक शिनगारे यांनी भेट दिऊन खरेदी केलेल्या भाताची पाहणी केली. भातविक्रीसाठी येणाऱ्या शेतकऱ्यांना भाताचे वजन करून घेण्यासाठी ताटकळत ठेवू नका, असे आदेशही त्‍यांनी दिले. मुरबाड तालुक्यातील विविध शासकीय कामांचा आढावा घेण्यासाठी जिल्हाधिकारी शिनगारे यांनी मुरबाड दौरा आयोजित केला होता. या वेळी शासकीय भातविक्री केंद्रावर भेट देऊन भाताच्‍या दर्जाची तपासणी केली. या वेळी शेतकऱ्यांना होणाऱ्या अडीअडचणीची माहिती घेऊन शेतकऱ्यांना त्रास होणार नाही, याची काळजी घ्या, अशा सूचनाही त्‍यांनी केल्या.