सुकन्या योजनेसाठी आज विशेष मेळावा

सुकन्या योजनेसाठी आज विशेष मेळावा

विक्रमगड, ता. ८ (बातमीदार) : सर्वाधिक व्याज देणारी व मुलींचे भविष्य उज्ज्वल करणारी सुकन्या समृद्धी योजनेत सहभागी होऊन अधिकाधिक लाभ घेण्याचे आवाहन भारतीय टपाल विभागाने केले आहे. यासाठी ८ व ९ फेब्रुवारी २०२३ रोजी पालघर विभागात सर्व टपाल कार्यालयांत विशेष मेळाव्यांच्या माध्यमातून अधिकाधिक सुकन्या समृद्धी योजनेची खाती उघडली जाणार आहेत.
शून्य ते दहा वर्षे वयोगटातील मुलींसाठी ही योजना भारत सरकारने सुरू केली आहे. सर्वाधिक व्याजदर देणारी व अवघ्या २५० रुपयांपासून खाते सुरू करणारी ही योजना आहे. वर्षाला कमीत कमी १००० रुपये व जास्तीत जास्त दीड लाख रुपये गुंतवणूक करण्याची मर्यादा ठेवण्यात आली असून ७.६ टक्के चक्रवाढ दराने व्याज या खात्यात जमा होणार आहे. १४ वर्षे या खात्यावर खातेदारांना पैसे भरावे लागतात. त्यानंतर २१ व्या वर्षी खातेदारास मुद्दलसह चक्रवाढ व्याजाने जमा झालेली खात्यावरील सर्व रक्कम मिळते. आपल्या जवळच्या टपाल कार्यालयात जाऊन या योजनेचा लाभ घ्यावा, असे आवाहन पालघर विभागाचे डाक अधीक्षक विनोद तळेकर यांनी केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com