कल्याण, डोंबिवलीत मंगळवारी पाणीबाणी

डोंबिवली : कल्याण-डोंबिवली महापालिकेच्या बारावे, मोहिली व टिटवाळा जलशुद्धीकरण केंद्र येथील विद्युत व यांत्रिकी उपकरणांच्या दुरुस्तीचे काम करण्यात येणार आहे. या कामासाठी मंगळवारी (ता. ३) १२ तासांसाठी महापालिकेचा पाणीपुरवठा बंद ठेवण्यात येणार असल्याची माहिती पाणीपुरवठा विभागाने दिली आहे.

कल्याण-डोंबिवली महापालिकेच्या बारावे, मोहिली व टिटवाळा जलशुद्धीकरण केंद्रामधून महापालिका क्षेत्रातील कल्याण पश्चिम, कल्याण पूर्व, वडवली, शहाड व टिटवाळा परिसरात पाणीपुरवठा होतो. ३ मे रोजी सकाळी ९ ते रात्री ९ या वेळेत या भागाला होणारा पाणीपुरवठा बंद राहणार आहे. या परिसरातील नागरिकांनी पाण्याचा साठा करून ठेवावा, असे आवाहन पाणीपुरवठा विभागाकडून करण्यात आले आहे.