चिंचणीतील पी. एल. श्रॉफ महाविद्यालयात पदवीदान

डहाणू (बातमीदार) : चिंचणी-तारापूर शिक्षण संस्थेच्या पी. एल. श्रॉफ कला वाणिज्य महाविद्यालयात आय. क्यू. ए. सी. विभागाद्वारे पदवीप्रदान समारंभाचे आयोजन करण्यात आले होते. या वेळी प्रमुख पाहुणे म्हणून महाविद्यालय विकास समितीचे सदस्य दीपक भावे उपस्थितीत होते. कार्यक्रमाच्या अध्यक्षस्थानी संस्थेचे चेअरमन रजनीकांत श्रॉफ होते. या समारंभामध्ये पदवी आणि पदव्युत्तर पदवीचे शिक्षण पूर्ण केलेल्या विविध शाखेचे विद्यार्थी उपस्थित होते. कार्यक्रमाची सांगता करताना महाविद्यालयाच्या उपप्राचार्य डॉ. सुचिता करवीर यांनी महाविद्यालयाशी आपले ऋणानुबंध कायम असावेत, असे मत व्यक्त करत कार्यक्रमासाठी उपस्थित असणाऱ्या आणि कार्यक्रमास हातभार लावणाऱ्या सर्वांचे आभार मानले. याप्रसंगी संस्थेच्या सदस्या डॉ. रमिलाबेन श्रॉफ, महेश पाटील, कुणाल बारी आदी मान्यवर उपस्थित होते. कार्यक्रम यशस्वी करण्यासाठी डॉ. प्रेरणा राऊत, प्रा. चित्रा अष्टेकर, प्रा. गौरी दातार, रंजिता कपूर आणि प्रा. जयकांत ठाकूर यांनी महत्त्वाची भूमिका बजावली.