Crime News
Crime Newsesakal

Mumbai : अंमली पदार्थासह त्रिकुटाला अटक

तिघेजण अमली पदार्थ विक्री करणार असल्याची माहिती गुन्हे शाखा युनिट पाचचे वरिष्ठ पोलिस निरीक्षक विकास घोडके यांना मिळाली.

ठाणे - मेफेड्रोन या अमली पदार्थाची ग्राहकांना विक्री करण्यासाठी आलेल्या तीन आरोपींना मेफेड्रोनसह वागळे इस्टेट पोलिस पथकाने सापळा रचून अटक केली. त्यांच्याकडून २४० ग्रॅम मेफेड्रोन पावडरसह रोख रक्कम, मोबाईल फोन, दोन दुचाकी असा १४ लाख सात हजार ५०० रुपयांचा मुद्देमाल हस्तगत करण्यात आल्याची माहिती पोलिसांनी दिली.

तिघेजण अमली पदार्थ विक्री करणार असल्याची माहिती गुन्हे शाखा युनिट पाचचे वरिष्ठ पोलिस निरीक्षक विकास घोडके यांना मिळाली.

Crime News
Mumbai Police : योगेंद्र आणि योगेश साटम यांच्या छायाचित्रांचा आंतरराष्ट्रीय स्तरावर गौरव

सापळा रचून पोलिस पथकाने आरोपी अमर अशोक तुसामकर (वय २९) रा. साठेनगर वाल्मीकीपाडा, वागळे इस्टेट ठाणे, मोहसिन शफिक शेख (वय ३४) रा. किसननगर नं. २, वागळे इस्टेट ठाणे व निहाजुल सत्तार सय्यद (वय ३४) रा. किसननगर नं. ३, वागळे इस्टेट ठाणे या तिघांना बेड्या ठोकल्या.

तपासणीत गुन्ह्यात वापरलेल्या दोन दुचाकी, रोख रक्कम आणि २४० ग्रॅम एमडी पावडर, मोबाईल असा १४ लाख सात हजार ५०० रुपयांचा मुद्देमाल हस्तगत केला. न्यायालयाने तिघांना २ मेपर्यंत पोलिस कोठडीत ठेवण्याचे आदेश दिल्याची माहिती वरिष्ठ पोलिस निरीक्षक विकास घोडके यांनी दिली. अधिक तपास सहायक पोलिस निरीक्षक भूषण एच. शिंदे करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com