वसईत रंगला श्वान कार्निव्हल

वसईत रंगला श्वान कार्निव्हल

वसई, ता. २ (बातमीदार) : ग्लोबी लाईट इव्हेंट प्रेझेंट वसई फेस्टिवलमध्ये महाराष्ट्र पोलिस फॅमिली संघटनेचे महाराष्ट्र राज्य संपर्कप्रमुख तथा पालघर जिल्हाध्यक्ष सिद्धेश राणे यांनी वसई-विरार शहरातील नागरिकांसाठी पेट कार्निव्हल हा डॉग फॅशन शो आयोजित केला होता. या शोला नागरिकांनी भरभरून प्रतिसाद दिला.
मुंबईसह वसईतील श्वानांची हजेरी या वेळी होती. एकूण ७२ श्वानांनी फॅशन शोमध्ये सहभाग घेतला होता.
चालणे, वेशभूषा यासह हावभाव यांचा मनमुराद आनंद श्वानप्रेमींनी लुटला. डॉग पेट कार्निव्हल फॅशन शो स्पर्धेत प्रथम स्नेहल मर्चंडे यांचा श्वान शिरो, द्वितीय दानिश गोवारी यांचा श्वान सिंभा व तृतीय क्रमांक विजय राणे यांची पेनी हिने विजेतेपद मिळवले. उत्कृष्ट वेशभूषा हा किताब मर्चंडे यांच्या शिरो याने; तर फिमेलमध्ये अक्षता परब यांची एंजेल मानकरी ठरले. ट्रिक्स डॉग अवार्ड हा चारकोपची तृषाली उत्तेकर यांच्या स्कूबी या श्वानाला मिळाला.

---------------------
प्राण्यांवर प्रेम करा
प्राण्यांवर प्रेम करा, त्यांना आपल्या भावना समजतात, या उद्देशाने या कार्निव्हलचे आयोजन करण्यात आले होते. विविध भागातून सहभागी झालेल्या नागरिकांनी त्यांच्या श्वानांची घेतलेली काळजी पाहावयाची संधी वसईकराना मिळाली, असे या वेळी महाराष्ट्र पोलिस फॅमिली संघटनेचे पालघर जिल्हा शहराध्यक्ष अभिजीत चौधरी यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com