Mumbai : मॉर्निंगवॉक करताना हेल्मेट घालून आले अन् ४० हजार रुपयांची सोन्याची चेन खेचून ठोकली धूम

नवी मुंबई - मॉर्निंग वॉक करणाऱ्या एका महिलेसह ज्येष्ठ नागरिकाच्या गळ्यातील सोन्याचे दागिने लुटल्याची घटना ऐरोलीत घडली आहे. याप्रकरणी रबाळे पोलिस ठाण्यात चोरीचा गुन्हा दाखल आहे.ऐरोली सेक्टर-९ मध्ये राहणाऱ्या निर्मला जयस्वाल (५०) परिसरात मॉर्निंग वॉकसाठी गेल्या होत्या.

शुक्रवारी (ता. २६) सकाळी ६.३० वाजता नेहमीप्रमाणे घराबाहेर पडल्या असताना ऐरोली सेक्टर ७ व ८ मध्ये हेल्मेट घालून आलेल्या दुचाकीस्वाराने जयस्वाल यांच्या गळ्यातील ४० हजार रुपये किमतीची सोन्याची चेन खेचून पलायन केले; तर या घटनेनंतर काही वेळातच ऐरोली सेक्टर-१६ भागात मॉर्निंग वॉक करणारे प्रकाश कांबळे (६०) यांच्या गळ्यातील सोन्याची चेनदेखील खेचण्यात आली होती. त्यामुळे या दोन्ही प्रकरणांत रबाळे पोलिसांनी गुन्हा दाखल केला आहे.