मुंबईत उपकरप्राप्त १५ इमारती अतिधोकादायक

मुंबईत उपकरप्राप्त १५ इमारती अतिधोकादायक

सकाळ वृत्तसेवा

मुंबई, ता. १ : म्हाडा आणि मुंबई महापालिका दर वर्षी मुंबईतील धोकादायक इमारतींची यादी जाहीर करते. यंदाच्या वर्षीही म्हाडाने केलेल्या सर्वेक्षणात मुंबईतील १५ इमारती धोकादायक आढळून आल्या आहेत. यंदाच्या धोकादायक इमारतींमध्ये गेल्या वर्षीच्या ७ इमारतींचा समावेश आहे. या इमारतीतील नागरिकांनी इमारत दुरुस्ती मंडळाकडून करण्यात येणाऱ्या कार्यवाहीला सहकार्य करावे, असे आवाहन करण्यात आले आहे.

म्हाडाच्या मुंबई इमारत दुरुस्ती व पुनर्रचना मंडळाच्या अखत्यारीतील मुंबई शहर बेटावरील जुन्या व मोडकळीस आलेल्या उपकरप्राप्त इमारतींचे नियमित पावसाळापूर्व सर्वेक्षण पूर्ण करण्यात आले. यामध्ये १५ इमारती अतिधोकादायक आढळून आल्या आहेत. या इमारतींमध्ये ४२४ निवासी व १२१ अनिवासी असे एकूण ५४५ रहिवासी आणि भाडेकरू आहेत. मुंबई इमारत दुरुस्ती व पुनर्रचना मंडळातर्फे केलेल्या कार्यवाहीनुसार १५५ निवासी भाडेकरू आणि रहिवाशांनी स्वतःच्या निवाऱ्याची पर्यायी व्यवस्था केली आहे; तर आतापर्यंत २१ रहिवाशांना संक्रमण शिबिरात स्थलांतरित करण्यात आले आहे. उर्वरित इमारतींमधील भाडेकरू आणि रहिवाशांना निष्कासनाच्या सूचना देण्यात आल्या आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com