२० हून अधिक वृद्धाची फसवणूक

ज्येष्ठ नागरिकांची फसवणूक करणारा भामटा अटकेत
मुंबई : ज्येष्ठ नागरिकांची फसवणूक करून त्यांचे दागिने लुटणाऱ्या ५० वर्षीय आरोपीला कस्तुरबा मार्ग पोलिसांकडून अटक करण्यात आली आहे. संजय मांगडे असे आरोपीचे नाव असून त्याने अशा प्रकारे आणखी २८ ज्येष्ठ नागरिकांची फसवणूक केल्याचे तपासात उघड झाले आहे. पोलिस मांगडेचा फरार असलेला साथीदार विजय तांबे याचा शोध घेत आहेत. आरोपीने २३ जून रोजी रस्त्यातून जात असताना ज्येष्ठ नागरिकाशी बोलता बोलता सोन्याची साखळी, अंगठी आणि रोख रक्कम मिळून सुमारे ७५ हजार रुपये स्वतःच्या ताब्यात घेतले. पुढे आरोपीने मौल्यवान वस्तू आणि पैसे कागदात गुंडाळले आणि पाकीट परत दिले; परंतु त्यात दागिने नसल्याने तक्रारदाराने पोलिस ठाण्यात तक्रार नोंदवली. कस्तुरबा मार्ग पोलिसांनी सीसी टीव्ही कॅमेऱ्याचे फुटेज तपासून मांगडेला अटक केली.