बुडालेल्या सुरक्षा रक्षकाचा मृतदेह मिळाला

बुडालेल्या सुरक्षा रक्षकाचा मृतदेह मिळाला

भाईंदर, ता. १८ (बातमीदार) : महाराष्ट्र सुरक्षा दलात काम करणारा सुरक्षारक्षक रविवारी (ता. १६) सायंकाळी भाईंदर खाडीत बुडाला होता. दोन दिवसांच्या शोधमोहिमेनंतर मंगळवारी (ता. १८) सकाळी अकरा वाजण्याच्या सुमारास त्याचा मृतदेह भाईंदर पश्चिम खाडीकिनाऱ्याला सापडला आहे. खाडीच्या पाण्यात वाहून आलेला मृतदेह मिरा-भाईंदर महानगरपालिकेच्या अग्निशमन दलाने बाहेर आणला. रमेश सर्जेराव पाटील (३४) हा महाराष्ट्र सुरक्षा दलात काम करणारा सुरक्षारक्षक रविवारी सायंकाळी साडेचारच्या सुमारास भाईंदर पश्चिम येथील खाडीत उतरला होता. ओहोटी असल्यामुळे पाण्यात जाऊ नको असे आसपासच्या लोकांनी त्याला सांगितले; मात्र आपल्याला पोहता येते असे सांगून त्याने पाण्यात उडी मारली. काही अंतरापर्यंत तो पोहत गेला; मात्र नंतर अचानक तो पाण्यात दिसेनासा झाला होता. अग्निशमन दलाच्या जवानांनी बोटीच्या साह्याने सुमारे तासभर त्याचा पाण्यात शोध घेतला; परंतु त्याचा शोध लागला नव्हता. अखेर मंगळवारी सकाळी अकरा वाजण्याच्या सुमारास त्याचा मृतदेह भाईंदर पश्चिम खाडीकिनारी आढळून आला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com