कुरिअर बॉयचा लिफ्टमळे मृत्यू

कुरिअर बॉयचा लिफ्टमळे मृत्यू

नवी मुंबई, ता. २६ (वार्ताहर) : लिफ्ट दुरुस्तीचे काम करणाऱ्या टेक्निशियनच्या निष्काळजीपणामुळे एका कुरिअर बॉयचा लिफ्टमध्ये अडकून मृत्यू झाला आहे. नेरूळ सेक्टर-२१ मधील विघ्नहर सोसायटीत आठवडाभरापूर्वी ही घटना घडली असून पोलिसांनी या प्रकरणी निष्काळजीपणाचा गुन्हा दाखल केला आहे.
वाशीतील जुहू गाव सेक्टर-११ मध्ये राहणारा विशाल इंदुलकर (३५) विचारे एक्स्प्रेस ॲण्ड लॉजिस्टीक प्रा.लि. या कुरिअर कंपनीमध्ये डिलिव्हरी बॉयचे काम करत होता. १८ जुलै रोजी विशाल नेरूळ सेक्टर-२१ मधील विघ्नहर सोसायटीत कुरिअर देण्यासाठी गेला होता. त्याचवेळी इमारतीच्या ए-१ विंगमधील लिफ्टमध्ये तांत्रिक बिघाड झाल्याने न्यू एशियन लिफ्ट कंपनीचा टेक्निशियन लिफ्टच्या दुरुस्तीचे काम करत होता. मात्र, दुरुस्तीचा फलक नसल्याने लिफ्टमध्ये जाणाऱ्या विशालचा गंभीर अपघात झाला होता. या प्रकरणी नेरूळ पोलिसांनी अकस्मात मृत्यूची नोंद केली आहे. तसेच न्यू एशियन लिफ्ट कंपनीच्या टेक्निशियन, तसेच विघ्नहर सोसायटीचे सेक्रेटरी व चेअरमन यांनी दुरुस्तीवेळी काळजी घेतली नसल्याने त्यांच्या विरोधात गुन्हा दाखल केला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com