रिक्षाच्या अपघातात दीड वर्षांच्या मुलाचा मृत्यू

कळवा, ता. ३ (बातमीदार) ः मुंब्र्यावरून रेतीबंदरमार्गे मीरारोड येथे जाणाऱ्या एका रिक्षाला मुंब्र्याकडे जाणाऱ्या एका अवजड वाहनाने जोराची धडक दिली. यामुळे रिक्षात बसलेल्या दाम्पत्याच्या हातातून १८ महिन्यांचे बाळ खाली पडून त्याचा मृत्यू झाला. शुक्रवारी (ता. ३) सायंकाळी सव्वा सहाच्या दरम्यान ही घटना घडली.

शुक्रवारी सायंकाळी रिक्षाने हे दाम्पत्य आपल्या १८ वर्षांच्या बाळासह मिरारोड येथे जात होते. खारेगाव टोल नाक्याजवळ ग्यमल सर्कलवर एका अवजड वाहनाने रिक्षाला जोरात धडक दिली. या धडकेत मांडीवर बसलेल्या १८ महिन्याचे बाळ रस्त्यावर पडल्याने त्याच्या डोक्यावर गंभीर जखम झाली. यातच त्याचा मृत्यू झाला. बाळाला शवविच्छेदनासाठी कळव्यातील छत्रपती शिवाजी महाराज रुग्णालयात नेण्यात आले आहे. ट्रकचालकावर कळवा पोलिस ठाण्यात गुन्हा दाखल करण्याची प्रक्रिया सुरू आहे.