कार्यकर्ता परिचय संमेलन

घाटकोपरमध्ये कार्यकर्ता परिचय संमेलन
घाटकोपर, ता. ३ (बातमीदार) ः घाटकोपर पूर्व, रमाबाई नगर येथे आंबेडकरी रिपब्लिकन मोर्चाच्या वतीने मुंबई कार्यकर्ता परिचय परिषदेचे आयोजन केले होते. राष्ट्रीय अध्यक्ष नारायण बागडे यांच्या नेतृत्वाखाली शुक्रवारी झालेल्या कार्यक्रमात आंबेडकरी चळवळीशी निगडित समाजबांधव मोठ्या संख्येने सहभागी झाले होते. शहीद स्मारक सभागृहात झालेल्‍या कार्यक्रमात संघटना वाढवण्यासाठी, जास्तीत जास्त लोकांना संघटित करण्यासाठी चर्चा करण्यात आली. या वेळी आमचा वापर होणार नाही, आम्ही आमच्या हक्कांसाठी लढू, विदर्भात संघटना कार्यरत आहे, येथेही आम्ही समाजासाठी संघटन करत असल्याचे संघटनेचे अध्यक्ष बागडे यांनी सांगितले. कार्यक्रमाला दिलीप कदम, शरद बनसोडे, वैशाली दुपटे, पूर्णिमा पाईक राव, विकास काटे, रत्ना पाटोळे, हंसराज उरकुडे, मनीषा बनसोडे, भारती जगताप यांच्यासह मोठ्या संख्येने नागरिक उपस्थित होते.