Loksabha 2024: काँग्रेसचे गुन्हेगारांना प्रोत्साहन; भारत तोडोला डोक्यावर घेणारा पक्ष - प्रविण दरेकर

Pravin Darekar: अकोला जिल्ह्यातील विधानसभेच्या पोटनिवडणुकीसाठी काँग्रेसने साजिद खान पठाण यांना उमेदवारी दिली. पठाण हे गुन्हेगारी प्रवृत्तीचे असून त्यांच्यावर १६ गंभीर गुन्हे दाखल आहेत, असा आरोप भाजपचे विधान परिषदेत गटनेते आमदार प्रवीण दरेकर यांनी शनिवारी (ता. २३) केला. (congress news)

काँग्रेसने गुन्हेगार टिकवा आणि गुन्हेगारी वाढवा हे धोरण अवलंबले आहे. मागील प्रतिज्ञापत्रात पठाण यांच्यावर आठ गुन्हे होते. आता ते सोळा झाले आहेत. त्यामुळे काँग्रेस हा भारत जोडो नाही तर भारत तोडोला डोक्यावर घेणारा पक्ष आहे, अशी टीकाही दरेकर यांनी केली.

अकोल्यातील काँग्रेसचे उमेदवार साजिद खान यांच्यावर गांजा विकणे, बाळगणे यासाठी गुन्हा दाखल आहे. दंगल घडवणे, घातक शस्त्राचा वापर करणे, हिंसा घडवणे, हल्ला करून पळून जाणे, शासकीय कर्मचाऱ्यांवर हल्ला करणे, अशा कृत्यात खान यांचा सहभाग आहे, असा आरोप दरेकर यांनी केला आहे.(bjp vs congress)