Crime News: तरुणीची गळा दाबून केली हत्या; पश्चिम बंगालमधून मारेकऱ्याला अटक

Dahanu Crime: डहाणू तालुक्यातील लोणी पाडा येथे एका २२ वर्षीय तरुणीची गळा दाबून हत्या करण्यात आली होती. या प्रकरणातील आरोपीला डहाणू पोलिसांनी पश्चिम बंगालमधून अटक केली आहे.

डहाणू पोलिस ठाणे हद्दीतील लोणी पाडा येथील एका चाळीमध्ये अनिशा रेड्डी ऊर्फ अलिशा खातूनची गळा दाबून हत्या करण्यात आली होती. या प्रकरणात कुठलाही पुरावा उपलब्ध नसल्याने मारेकऱ्याला पकडण्याचे मोठे आव्हान डहाणू पोलिसांसमोर होते.

यावेळी पोलिसांच्या पथकाने तांत्रिक पुराव्याच्या आधारे कौशल्यपूर्ण तपास करून पश्चिम बंगालच्या बागदा चांदनगर डायमंड हार्बर जिल्ह्यातून मीना जोमीन मुल्लाला अटक केली आहे.