अजय लालवानी यांना सूवर्ण पदक

अजय लालवानी यांना सुवर्णपदक
घाटकोपर, ता. ४ (बातमीदार) ः पालिकेच्या जी उत्तर विभाग कार्यालयातील टेलिफोन ऑपरेटर अंध अजय लालवानी यांनी ग्वालियर, मध्य प्रदेश येथे पार पडलेल्या नॅशनल पॅरास्विमिंग चॅम्पियनशिप स्पर्धेत सुवर्ण आणि रजत पदक मिळवले. २९ ते ३१ मार्चदरम्यान ही स्पर्धा पार पडली. यामध्ये २० राज्यांतून स्पर्धक सहभागी झाले होते. अंध आणि दिव्यांग व्यक्तींसाठी ही स्पर्धा भरवण्यात आली होती. पॅरालिंपिक कमिटी ऑफ इंडिया, पॅरा स्पोर्ट्स असोसिएशन ऑफ मध्य प्रदेश व पॅरा स्विमिंग फेडरेशन ऑफ इंडिया यांच्या विद्यमाने अटल बिहारी वाजपेयी ट्रेनिंग सेंटर ग्वालियर येथे ही स्‍पर्धा पार पडली. ५० मीटर पोहण्याच्या स्‍पर्धेत त्यांनी प्रथम आणि द्वितीय अशी दोन पदके जिंकली. ५० मीटरचे अंतर त्‍यांनी ४७ सेकंदांत पूर्ण करत प्रथम क्रमांक, तर दुसऱ्या स्‍पर्धेत ५० मीटर अंतर त्‍यांनी ५९ सेकंदांत पूर्ण करत द्वितीय क्रमांक मिळवला. घन कचरा व्यवस्थापनाचे प्रमुख अभियंता इरफान काझी यांनी अजय यांचे अभिनंदन केले.