दांडेकर शाळेतील विद्यार्थिनीला सुवर्णपदक

भिवंडी, ता. ४ (बातमीदार) : एमटीएस ऑलिम्पियाड स्पर्धेत गोपालनगर येथील दादासाहेब दांडेकर विद्यालयाच्या काव्या गजानन तळेगावे हिने महाराष्ट्र राज्यात प्रथम क्रमांक पटकावला आहे. तसेच महाराष्ट्र सरकारतर्फे २०२३-२४ या शैक्षणिक वर्षात घेतलेल्या प्रज्ञाशोध परीक्षेत तिने राज्यात १२ वा क्रमांक पटकावला आहे; तर लीप फॉर वर्ल्डतर्फे घेतलेल्या वर्ल्ड पॉवर चॅम्पियनशिप या राज्यस्तरीय स्पर्धेत दादासाहेब दांडेकर विद्यालयाच्या भाग्यश्री गणेश दिवटे हिने महाराष्ट्र राज्यातून प्रथम क्रमांक पटकावला आहे. या दोन्ही मुली चौथीत शिकत आहेत.