जीएस महानगर बँकेच्या नफ्यात १३ कोटींची वाढ

जीएस महानगर बँकेच्या नफ्यात १३ कोटींची वाढ

मुंबई, ता. ४ ः रिझर्व्ह बँकेने सक्षम बँकांसाठी नमूद केलेल्या सर्व निकषांची पूर्तता करीत जीएस महानगर को-ऑपरेटिव्ह बँकेचा २०२३-२४ या आर्थिक वर्षात निव्वळ नफा मागील वर्षापेक्षा १३ कोटींनी वाढून ३४ कोटी इतका झाला आहे. बँक नक्त एनपीएचे प्रमाण शून्य टक्के राखण्यात यशस्वी झाली आहे. तसेच बँकेने २०२३-२४ या आर्थिक वर्षात एकूण ठेवी २,८८५ कोटी, एकूण कर्ज १,५६४ कोटी असा एकूण ४,४४९ कोटी व्यवसायाचा टप्पा पूर्ण केला आहे. बँक सर्व स्तरावर नेत्रदीपक कामगिरी करीत असून बँकेचा लौकिक व विश्वासार्हता बँकेने कायम टिकवून ठेवली आहे, अशी माहिती जीएस महानगर बँकेच्या अध्यक्षा सुमन गुलाबराव शेळके यांनी दिली. दरम्यान, बँकेचे सभासद, ठेवीदार व खातेदार यांच्या सक्रिय सहकार्याने ही प्रगती शक्य झाल्याचे सांगून त्या सर्वांचे व बँकेचे अधिकारी, कर्मचारी, दैनंदिन ठेव प्रतिनिधी यांचे सुमन गुलाबराव शेळके यांनी बँकेच्या वतीने आभार मानले.