Mumbai Temperature: मुंबईकरांना उन्हाच्या झळा; तीव्रता वाढली

Mumbai News: मुंबईकर कडाक्याच्या उन्हामुळे हैराण झाले आहे. आज कुलाबा येथे ३२.५ अंश सेल्सिअस कमाल तर २५ अंश सेल्सिअस किमान तापमानाची नोंद झाली.

तर सांताक्रुझ येथे ३५.८ अंश सेल्सिअस किमान तापमानाची तर २३.६ अंश सेल्सिअस इतक्या कमाल तापमानाची नोंद करण्यात आली.

मुंबईत उन्हाची तीव्रता वाढत आहे. सध्या सकाळी नऊ वाजल्यापासूनच कडाक्याच्या उन्हाशी मुंबईकरांचा सामना सुरू होतो. मार्च ते मे अशा तीनही महिन्यात मुंबईकर घामाच्या धारासह उन्हाचा सामना करत असतो. मात्र यावर्षी उन्हाची तीव्रता वाढत असल्याचे हवामान खात्याचे म्हणणे आहे. त्यामुळे मुंबईकरांची अस्वस्थता अधिकच वाढत आहे.