Mumbai Crime News: भाईंदरमध्ये साडेचार लाखांचे हेरॉईन जप्त; पोलिसांची मोठी कारवाई

Mumbai Crime news: भाईंदर पश्चिम येथील भोलानगर परिसरात पोलिसांनी साडेचार लाख रुपये किमतीचे हेरॉईन जप्त केले.

याप्रकरणी दोन जणांना ताब्यात घेण्यात आले. भाईंदर पोलिस ठाण्यातील गुन्हे प्रकटीकरण पथकाच्या माध्यमातून गस्त सुरू असताना भोला नगर भागातील एका रिक्षात गौतम रमेशचंद्र गुप्ता आणि सचिन ऊर्फ बाटला राधेश्याम गुप्ता हे दोघे संशयास्पद स्थितीत दिसून आले.

पोलिसांनी त्यांची झडती घेतली असता त्यांच्या ताब्यात विक्रीसाठी आणलेली १८ ग्रॅम वजनाची (गर्द) हेरॉईन पावडर आढळून आली. त्याची किंमत त्याची साडेचार लाख रुपये आहे. दोघांनाही ताब्यात घेऊन त्यांच्यावर अमली पदार्थविरोधी कायद्यानुसार गुन्हा दाखल करण्यात आला आहे, अशी माहिती भाईंदर पोलिस ठाण्याचे वरिष्ठ निरीक्षक सूर्यकांत नाईकवडी यांनी दिली.