Bhiwandi Crime News: धूम स्टाईलने मोबाईलची चोरी

Bhiwandi Crime: मित्रांसह धाब्यावर जेवण करून रिक्षाने घरी परतणाऱ्या प्लंबरच्या हातातून दुचाकीवरून आलेल्या दोन अज्ञातांनी मोबाईल चोरून नेल्याची घटना घडली आहे. या प्रकरणी अज्ञातांच्या विरोधात निजामपुरा पोलिस ठाण्यात गुन्हा दाखल केला आहे.

अब्दुल रऊफ सय्यद हा त्याचे अन्य दोन मित्र वसीम व इरफानसोबत चाविंद्रा येथील एका ताज धाब्यावर शनिवारी (ता. १३) मध्यरात्री जेवणासाठी गेला होता. दरम्यान, ते जेवण करून रिक्षाने घरी परतताना अब्दुलने घरी फोन करण्यासाठी मोबाईल हातात घेतला होता. यावेळी त्याच्यावर पाळत ठेवून असलेले दोघांनी दुचाकीवरून येत धूम स्टाईलने मोबाईल चोरून नेला आहे. याप्रकरणी निजामपुरा पोलिस ठाण्यात दोघांच्या विरोधात गुन्हा दाखल केला आहे. पोलिसांनी अज्ञातांचा शोध सुरू केला आहे.