गोवंडीत प्रचारादरम्यान दगडफेक

चेंबूर, ता.२९ (बातमीदार) ः भाजपचे उमेदवार मिहिर कोटेचा यांच्या प्रचार यात्रेत सोमवारी संध्याकाळी आठच्या सुमारास दगडफेकीची घटना
घडली आहे. याप्रकरणी देवनार पोलिस ठाण्यात तक्रार दाखल आहे.
ईशान्य मुंबईचे उमेदवार मिहिर कोटेचा यांची प्रचार यात्रा मानखुर्द गोवंडी विभागात काढण्यात आली होती. प्रचाराचा रथ देवनार येथील गौतम नगर परिसरातील वामन दादा कर्डक चौकाजवळ आला असता अज्ञातांकडून दगडफेक करण्यात आली. यात एक महिला जखमी झाली आहे. विरोधकांकडून ही दगडफेक झाल्याचा आरोप कोटेचा यांनी केला आहे.