ओक हायस्कूलमध्ये विद्यार्थी समाजदान पेटी उपक्रम

ओक हायस्कूलमध्ये विद्यार्थी समाजदान पेटी उपक्रम

कल्याण, ता. २ (बातमीदार) : बालक मंदिर संस्थेच्या कॅप्टन रवींद्र माधव ओक हायस्कूलमध्ये शाळेतील कलाशिक्षक कैलास यादव सरोदे यांच्या संकल्पनेतून ६ ऑगस्ट २०१८ पासून शाळेत ‘विद्यार्थी समाधान पेटी’ हा उपक्रम राबवण्यात येत आहे. नुकतेच २९ एप्रिलला ही ‘विद्यार्थी समाधान पेटी’ संस्थेचे कार्यवाह सुश्रुत भा. वैद्य यांच्या हस्ते उघडण्यात आली. या दानपेटीत १५ हजार ९३० रुपये एवढी रक्कम मिळाली. सदर रक्कम शाळेतील गरीब- गरजू अकरा विद्यार्थ्यांना त्यांच्या शैक्षणिक गरजेसाठी देण्यात आली.

विद्यार्थ्यांना शालेय जीवनापासून समाजकार्याची आवड निर्माण व्हावी, त्यांच्यात आपण समाजाचे देणे लागतो, ही भावना वाढीस लागावी, तसेच शाळेतील गरीब- गरजू विद्यार्थ्यांना शैक्षणिक गरजेसाठी आर्थिक मदत व्हावी, या हेतूने हा उपक्रम सुरू करण्यात आला आहे. या दानपेटीत विद्यार्थी, पालक, शिक्षक व शिक्षकेतर कर्मचारी आपल्या यथाशक्तीप्रमाणे दान करत असतात. उपक्रमाला विद्यार्थी, पालक, शिक्षक व शिक्षकेतर कर्मचारी यांच्याकडून उत्तम असा प्रतिसाद मिळत आहे. यावेळी शाळेचे मुख्याध्यापक धीरसिंग पवार, ज्येष्ठ क्रीडा शिक्षक दिलीप तडवी व कलाशिक्षक कैलास यादव सरोदे उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com